Aqrotexnologiyalar və onların kənd təsərrüfatının davamlı inkişafına təsiri

Apply

Aqrotexnologiyalar və onların kənd təsərrüfatının davamlı inkişafına təsiri

Journal Title: Scientific Research - Year 2025, Vol 5, Issue 4

Abstract

Kənd təsərrüfatı minilliklərdir insanların əsas məşğuliyyət sahələrindən biri olsa da, son illərdə bu sahə mühüm dəyişikliklərlə üzləşib. Əhalinin artması, təbii resursların azalması və iqlim dəyişiklikləri kimi qlobal problemlər kənd təsərrüfatına daha səmərəli və davamlı yanaşmanı zəruri edib. Məhz bu nöqtədə aqrotexnologiyalar ön plana çıxır. Bu texnologiyalar ənənəvi əkinçilik üsullarını modernləşdirərək məhsuldarlığı artırmaq, resurs israfını azaltmaq və ətraf mühiti qorumaq məqsədi daşıyır. Aqrotexnologiyalar müxtəlif sahələri əhatə edir. Məsələn, sensorlar vasitəsilə torpağın nəmliyi və qida tərkibi dəqiq ölçülür, bu isə suvarma və gübrələmə prosesini daha səmərəli edir. Dronlar sayəsində böyük əkin sahələri havadan izlənilir, xəstəlik və zərərverici əlamətləri vaxtında aşkar edilir. Eyni zamanda, süni intellekt və avtomatlaşdırılmış sistemlər analiz və qərarvermə proseslərini asanlaşdıraraq işin sürətini və dəqiqliyini artırır. Bu texnologiyalar təkcə fermerin işini yüngülləşdirmir, həm də daha çox və keyfiyyətli məhsul əldə etməyə kömək edir. Əldə olunan texnoloji imkanlar kənd təsərrüfatını yalnız məhsul yetişdirməkdən ibarət sahə olmaqdan çıxarıb, elm və innovasiyanın ayrılmaz hissəsinə çevirib.

Authors and Affiliations

Alsu Cəfərli

Keywords

EP ID EP766579
DOI 10.36719/2789-6919/44/197-200
Views 13
Downloads 0