Yaşayış binalarındakı mikromiset göbələklərin ekoloji təsiri

Apply

Yaşayış binalarındakı mikromiset göbələklərin ekoloji təsiri

Journal Title: Scientific Work - Year 2024, Vol 18, Issue 11

Abstract

Xülasə Mikromiset göbələkləri, təbiətdə və insan mühitində əhəmiyyətli rol oynayan orqanizmlərdir. Bu göbələklərin tədqiqi, ekosistemlərin sağlamlığını qorumaq, insan sağlamlığını təmin etmək və çirklənmənin azaldılması baxımından böyük əhəmiyyət kəsb edir. Mikromisetlərin ekosistemlərdəki funksiyaları çoxşaxəlidir və onların müxtəlif sahələrdəki təsirləri bu araşdırmaları daha da vacib edir. Birinci növbədə, mikromisetlər torpaq dövranında mühüm rol oynayır. Onlar, üzvi maddələri parçalayıb mineral qida maddələrini sərbəst buraxaraq torpağın məhsuldarlığını artırırlar. Bu proses, bitkilərin daha sağlam böyüməsinə və daha yüksək məhsuldarlıq əldə etməsinə imkan tanıyır. Həmçinin mikromisetlər, torpaqda olan digər mikroorqanizmlərlə sinergetik münasibətlər qura bilirlər ki, bu da ekosistemlərin sağlamlığını daha da gücləndirir. İkincisi, mikromisetlərin insan sağlamlığına olan təsiri də vacibdir. Yaşayış binalarında mikromisetlərin varlığı, bəzən allergiya, astma və digər respirator xəstəliklərə səbəb ola bilər. Onların sporları havada asılı vəziyyətdə qalaraq insan orqanizminə zərər verə bilər. Bu səbəbdən, mikromisetlərin təsirlərinin araşdırılması, insan sağlamlığını qorumaq üçün vacibdir. Mütəxəssislər, bu göbələklərin insan sağlamlığına olan təsirlərini başa düşərək, müvafiq tədbirlər görməyə çalışırlar. Mikromisetlərin çirklənmiş mühitlərin bioremediasiyasında rolu da diqqətəlayiqdir. Bəzi mikromiset növləri, toksik maddələri parçalaya bilmək qabiliyyətinə malikdir. Bu, çirklənmiş torpaqların və su mənbələrinin bərpası üçün mühüm bir yanaşmadır. Mikromisetlərin bu xüsusiyyəti, ekosistemlərin bərpasını sürətləndirmək və çirklənməni azaltmaq məqsədilə istifadə olunur.

Authors and Affiliations

Qumru Balaxanova

Keywords

EP ID EP751816
DOI 10.36719/2663-4619/108/134-137
Views 43
Downloads 0